Països Occitans

JORNALIÈR AUDENC n° 09-348 (diluns 14 de decembre de 2009)

*** TEMPS DE NADAL A CARCASSONA : mòstra Anem Òc-2009 a l’Ostal Sirventés (15h-19h, cada jorn, duscas al 19/12) ; rescontre : Paraulas de Nadal (dimècres 16, a 18h30) ; lectura : La serena de Nadal (dijòus 17, 18h30) ; … ***

*** ÒC-CATARS, lo cofret DVD-CD : presentacion a Carcassona (Auditorium, carrièra dels Estudis) aqueste divendres 18 a 18h30 ***

*** ES SORTIT : Comandatz lo vòstre calendièr occitan de 2010. Tèma : las fruchas. Fotografias : Joan-Loís Caparròs. 15 € (+ 2,50 € de mandadís) alprèp d’IEO-Aude BP 105 11022-Carcassona Cedex) ***

1) Vòstra setmana
2) Batejada Aprene
3) Jordi Savall a Carcassona
4) Sul Net

========================================================
1) VÒSTRA SETMANA
* duscas al 19:
– Temps de Nadal a l’Ostal Sirventés
Mòstra ” Anem Òc !-2009 ” fotografias del GRAPH. Cada jorn, de 15h a 19 h
Rescontre lo dimècres 16 (18h30) : Costumas, tèxtes e cants de Nadal per Mirelha Braç e Maria-Laura Piolet
Lecturas, lo dijòus 17, a 18h30 : La serena de Nadal (contes e poèmas amb Chantal Canal, Joan-Pèire Pigasson e Alan Roch)

* diluns 14 :
– a Ventenac de Cabardés (cantina de l’escòla, 18h30) : talhièr-cosina del FLL. Preparar festiu e lèu-lèu.
– Concèrt de Nadals (Nicolas Saboly,…) amb lo grop vocal del Conservatòri de Narbona aqueste diluns  14, a 20h30, glèisa de Rieussec (34)

* del 14 al 16 :
– a Besièrs (Ostal de la Vida Associativa) : estagi Parlar-CFPO sul tèma de la gastronomia
cfpo@cfpoccitan.org 04 67 28 75 36 (www.cfpoc.fr)

* dimars 15 :
– a Besièrs (CIRDÒC, 18h30) : batejada de la còla dels Calandrins de l’an. (www.locirdoc.fr) (cf 2) çai-jos)
– Concèrt de Nadals (Nicolas Saboly,…) amb lo grop vocal del Conservatòri de Narbona aqueste dimars 15, a 20h30, glèisa de Sant Bonaventura a Narbona

* dimècres 16 :
– Besièrs (Palais dels Congrèsses, 18h) : presentacion del cofret (DVD + CD) de l’espectacle Òc-Catars. Projeccion d’extraches, mini-concèrt (a res non còst). www.ocmusic.org

* divendres 18 :
– Carcassona (Auditorium, 18h30) : presentacion del cofret (DVD + CD) de l’espectacle Òc-Catars. Projeccion d’extraches, mini-concèrt (a res non còst) www.ocmusic.org
– Pesens (en serada) : cants de Nadal a la glèisa.
– Gabian(34)(Eglise), à  18h00, avec  Philippe Carcassés : Concert ‘Nadal occitan’ ( philippe.carcasses@cegetel.net)
– Mèze (34) (salle du Sesquier ,au Campotel), à  21h00
Les souffleurs de rêves (alain charrié…), Los de rocairòl (bernadette pin …), Les douillettes (Marianne Joliet et Sylvie lassausse), Biscam pas (Philippe Carcassès et Marie Frinking)
Le collectif vira balèti organise son premier bal les pieds dans l’eau, à l’occasion de la soirée des treize desserts du Cercle Occitan de Mèze, avec
Coût : Entrée et participation libres (  boissons ou desserts bienvenus)
Renseignements :04 67 43 67 17 ou  06 32 21 72 37 ou copdeblu@laposte.net

* del 18 al 20 :
– La Talvera festeja sos 30 ans : www.talvera.org

* dissabte 19 :
– de matin, mercat de las trufas negras a Talairan
– a Nevian (dissabte 20h30 ; dimenge, 16h ; al Fogal) : representacion de La rose d’Occitanie (a prepaus dels 800 ans de la Crosada)

* dimenge 20 :
– a Montlaur : passejada de nuèit.RdV a 16h30 al Fogal. Musica amb Tusta e Bufa. en cours de route vin chaud et chocolat chaud selon vos choix de vie
à l’arrivée : soupe à l’oignon, cansalade grillée, fougasse à l’anis
rando : 6 euros  repas : 8 euros  les deux : 12 euros
enfants 3 et 3 ou 5 euros pour l’ensemble.Contact : 04 68 24 00 64 ou mjc.abribus@voila.fr
– a Felinas de Menerbés, Miquèl Decòr ditz La drolleta de l’alumetaire” a 17h, accompanhat per de musicaires de l’orquestra del conservatòri de Carcassona, que faran puèi un concert de musica classica (a gratis !)
========================================================
2) BATEJADA APRENE
CONVIT
Lo president de l’establiment APRENE, Joan Loís Blenet, e lo conselh d’administracion vos convidan a la batejada de la còla dels calandrins en primièra annada de la formacion iniciala dels regents de las Calandretas.
Aquela promocion a decidit de demandar a Dòna Josiana UBAUD de la mairinar.
Dòna UBAUD es l’especialista reconeguda per totes de las plantas e dels paisatges de Miègterranèa, afogada d’explicar e de transmetre la coneissença prigonda, practica e culturala de la natura que nos environa e que nos porgís nòstra identitat. Es tanben una explicaira infatigabla per una transmission
intelligenta del sens de la nòstra lenga.
Aquò se debanarà lo dimars 15 de decembre de 2009 al C.I.R.D.ÒC. a Besièrs.
Plaça del 14 de julh
I vos esperam nombroses!
Debanament de la serada:
19 oras – 19 oras 30 Acuèlh del mond e mesa en plaça de la batejada
19 oras 30 – 19 oras 50 Discorses oficials d’acuèlh
19 oras 50 – 20 oras 15 La còla presenta sa demanda a la mairina.
20 oras 15 – 20 oras 30 Responsa de la mairina.
20 oras 30 – 22 oras 00… o un pauc mai…! Cants, danças, Nadalets, convivialitat, entrepans, begudas e gaug partejat.
Per ne saber mai a prepaus de çò que sonam ” la batejada de la còla novèla de calandrins en primièra annada de la formacion a APRENE”, vos pregam de plan voler legir lo textet aquí jonch.
Desiram d’amassar tant de mond coma possible per manifestar lo vam de la lenga occitana modèrna, per festejar l’avenidor que se sap bastir malgrat trebucs e empachas.
En comptar fòrça sus vòstra preséncia lo 15 de decembre de 2009 al CIRDÒC, al nom dels collègas de l’establiment APRENE vos mandam nòstres saluts pus corals,
Entre totes o farem tot e cadun es indispensable !
Joan Loís Blenet, president,
P/O Patrici Baccou, director.
ESTABLIMENT D’ENSENHAMENT SUPERIOR OCCITAN APRENE
Ostal de la Vida Associativa Boita 116 – 15 c. general Margueritte – 34500 BESIÈRS
( 04 67 28 75 36 – Télécopie 04 67 28 75 39 – e-mail : aprene@aprene.org http://www.aprene.org

La “batejada” qu’es aquò?
Causir una personalitat occitana…
Lo principi ? Demandar de manlevar lo sieu nom a una femna, o un òme o encara un grop, cara a cara davant los amics de la lenga occitana amassats.
S’agís, per una promocion de mond que vòlon far de regents en occitan, de causir una personalitat del movement occitan e de li demandar de plan voler partejar lo sieu nom.
…Manlevar lo nom de qualqu’un … Es pas simple !
Mas mòstra que la cadena que fa passar la lenga d’una generacion cap a la seguenta es pas copada. La batejada marca que de joves vòlon persegre e perlongar la dralha dobèrta per d’ancians. Enfin la batejada assolida publicament que cal de mai en mai d’ensenhament EN occitan.
La còla que demanda lo nom al pairin comença sa formacion professionala.
Demercé la batejada, ligan lor projècte de vida professionala amb una o un dels que los precediguèron.
Pel pairin, que li demandan de partejar lo sieu nom, es una reconeissença de son accion per la lenga nòstra. Es a l’encòp lo passatge del singular al plural, tre que lo nom individual ven un nom de còla.
Mas, de daissar partir lo sieu nom sus las espatlas d’aqueles joves, aquò es quicòm!
La batejada simboliza tot aquò : lo passatge, la transmission, l’espandi, la prima de la lenga nòstra! La batejada es un actet de resisténcia contra l’anar d’una societat ont una lenga domina, oprimís e maltracta la lenga occitana qu’es ja en granda dificultat.
Mas ne farem pas brica una lanha !
Serà la fèsta perque subrevisca e s’espandiga al pus mai aquela lenga que tant presam. Serà una fèsta modèsta dedicada a l’avenidor de la lenga.
La batejada nos farà viure e partejar un moment fòrt d’emocions.
Que cadun òbre per que pas un amic de l’occitan desfaute.
D’avança, los calandrins e la còla en carga d’APRENE ne vos grandmercejan.
========================================================
3) JORDI SAVALL A CARCASSONA
Lo dissabte 9 de genièr, enserada, al Teatre municipal amb son novèl espectacle suls trobadors e la Crosada (http://almouni.blogzoom.fr/500756/Le-royaume-oublie-un-chef-d-oeuvre-de-Jordi-Savall/)
Per beneficiar de la tarifa grope (22 € en plaça de 25 €), avisar al pus lèu ostal.irventes@wanadoo.fr ; 04.68.25.19.78.
Mercé.
========================================================
4) SUL NET
* Musicaires lo 24/10 :
www.dailymotion.com/video/xbfydm_manifestation-pour-langue-occitane_news

* Lo calendièr del decembre occitan audenc es en linha sus : http://pagesperso-orange.fr/ostal.sirventes/
* De consultar tanben : www.laportadoc.eu ;  www.ieo-lengadoc.org
===============================================
Lo ” Jornalièr Audenc ” es una iniciativa de l’Institut d’Estudis Occitans-Aude.
Es mandat al rasal de difusion de l’associacion. Per l’ora : 422 personas o associacions.
Se lo volètz pas mai reçaupre, nos avisar. Mas podètz tanben informar vòstres amics e amigas d’aquela existéncia e los faire ajustar a la lista de difusion. Mercé.

=======================
TEMPS DE NADAL A CARCASSONA:
– duscas a dissabte 19 de decembre, a l’Ostal Sirventés :
*  mòstra Anem Òc!-2009 (cada jorn, 15h-19h)
* dimècres 16, 18h30 : AL temps de Nadal (costumas, tèc-xtes, acnts…)
* dijòus 17, 18h30 : la serena de Nadal (poèmas e conte per pichns e grands)

ÒC-CATARS, LA SORTIDA :
* divendres 18, 18h30, Auditorium de Carcassona

Institut d’Estudis Occitans-Aude
BP 105  11022-Carcassona Cedex
tel : 04.68.25.19.78
http://pagesperso-orange.fr/ostal.sirventes/
Anem ! Òc !  Per la lenga occitana !  : www.anemoc.org/

ÒC.-