Països Occitans

1) ADIEUS

Aquesta jornada del dimècres 7 de genièr serà marcada pels entèrraments de dos occitans de tria :

– l’Ives Roqueta, de matin (11h), al Pont de Camarés

– lo Marcèu Esquieu, de vèspre (15h), a Sant-Antonin de Ficalba

L’IEO-Aude exprimís tota son afeccion e son sosten a las familhas e amics d’aqueles dos combatents de la causa occitana.

• Marcèu Esquieu : un comunicat d’Anna-Maria Poggiò, secretària de l’IEO-Federal :

« Marcèu Esquieu nos a quitats per anar contar d’istòrias a l’estelam ! Avèm una pensada fòrta per aquest òme simple e dinamic, actor màger dau desvolopament de nòstra lenga e de nòstra cultura… Gardarem en memòria tot çò que li deu l’occitanisme per contunhar de faire avans ; lo monde de ma generacion se sente uei orfanèu un còp de mai ! L’Institut d’Estudis Occitans se jonhe a sa familha e a seis amics dins aqueste moment de grand tristum. Adieu l’amic »

• Sus Ives Roqueta :

http://www.lindependant.fr/2015/01/05/l-ecrivain-occitan-yves-rouquette-est-decede,1975518.php

http://france3-regions.blog.francetvinfo.fr/le-blog-de-viure-al-pais-france3/2015/01/05/disparition-dyves-rouquette-lo-monde-occitan-en-dol.html

• Lo comunicat del CIRDÒC

Lo president del CIRDÒC e tota la còla an aprés amb una granda emocion la disparicion d’Ives Roqueta. Volèm rendre omenatge a una votz immensa de la modernitat occitana mas tanben a l’amic car, que sas visitas e sos rescontres demòran cadun de remembres precioses. Al moment que nòstra institucion celèbra sos quaranta ans, sabèm çò que lo CIRDÒC deu a l’energia, la generositat e la tenacitat de l’Ives Roqueta.  Totas las nòstras pensadas van uèi cap a son esposa Maria, sa familha, sos amics.