Països Occitans

SALUT A TRENCAVÈL
Lo 10 de novembre de 1209, se trapèt Ramon-Rogièr Trencavèl mòrt dins una jaula de la preson de son castèl : mòrt d’aver volgut defendre tot son pòble.
Per marcar aquesta data, maitas associacions meton sus pè un rendètz-vos lo dimars 10 de novembre a  Ciutat (sala de las Classas Patrimòni, carrièra…Ramon-Rogièr Trencavèl).
Atal l’Institut d’Estudis Occitans-Aude, los Companhs de Paratge, la Calandreta de Ciutat, lo Cercle Occitan del País de Carcassona, lo CIRDÒC, lo collectiu Iniciativas 1209-2009, lo grop ÒC, la Mesnie du Carcassès, las PEP-Classe Patrimoine vos convidan a se trapar aquel jorn sul còp de sièis oras e mièja del vèspre per escotar los tròces de la Cançon de la Crosada consacrats a Trencavèl e a la presa de Carcassona à quatre voses (occitan medieval, occitan d’ara, francés e musica), unes cants del grop Òc e per escambiar a l’entorn d’un aperitiu medieval.
Lo vèspre, unas classas poiràn prene part a tres talhièrs (musica medievala ; presentacion dels trobadors ; istòria).
Dins lo meteis esperit, lo CIRDÒC a programat pel dijòus 5 de novembre a Besièrs un rescontre entre istorians sus las ipotèsis de la mòrt del vescomte e una representacion de la pèça ” Catharsis sound maquina “.
De mai, los Companhs de Paratge e l’IEO-Aude preparan un projècte per qu’una pèira-sovenir siague pausada a Ciutat en memòria del vescomte Trencavèl.
Per mai d’entresenhas e per s’associar a l’iniciativa : 04.68.25.19.78 ;
ostalsirventes@wanadoo.fr

Extret del Jornalièr Audenc,disabte,3 octobre 2009.
Mercé plan!!