O pasato viernes, 20 de noviembre, rematava o plaço de presentacion d’enmiendas a la Proposicion de Lei de Lenguas presentata en as Cortes Aragonesas per un d’es sócios d’o Guvierno d’Aragon, o PSOE.
Quantitativament ye CHA o grupo parlamentário que més numbro en ha presentato (111), seguito d’o PP (60), e PAR (48). Si en femos una lectura detenita, podemos veyer cómo apareixen dos bloques antagonicos de tot en as politicas lingüisticas que le calen a lo nuestro território. Per un costau o PP, que niega que o idioma que se parla en as comarcas orientals d’Aragon siga catalan e aragonés o idioma d’o norte d’Aragon. S’estiman més fablar de “modalidades lingüísticas locales habladas en el Aragón oriental, y las modalidades lingüísticas locales habladas en el Alto Aragón…” –como si o castellano no’n tenese de modalidaz lingüisticas–. O PP s’adedica a foter estixeretazos aquí e allá, deixando a propuesta de lei en un texto radito, sin esprito ni cosa. A més, es suyos caporals conservadors ya han dito que van a encapeçar una campanya con o lema de: “Defendamos Aragón. No a la imposición del catalán”(!!), que se suma a la tamien vergüenyosa campanya d’a plataforma “No hablamos catalán”, impulsata per os cadiellos d’o PAR.
Junto a éste, o PAR, sócio d’o Guvierno, que no soporta a denominación de ‘catalán’ ni que en a suya region se parle catalan. Ya han dito que ‘jamás’, almitiran ixa denominacion pa lo que ta els ye ‘chapurriau’ u ‘aragonés oriental’, seguindo as tesis més acientificas e retrogradas que levan tiempo emprenyando e fendo la tana en ixas comarcas.
E a l’atro costau CHA e IU. As enmiendas de CHA tienen una sápia hipernacionalista, mica ponderatas, regular que ta contentar as suyas bases e lo movimiento de defensa de l’aragonés, pero que son difuera d’a raçon e d’a mesura: demandan a cooficialidat no només en as zonas d’uso historico sino tamien en as tres capitals d’Aragon; reclaman una autoridat linguïstica própia ta o catalan en Aragon (lamentable!), e ta l’autoridat lingüistica de l’aragonés, un ente ex novo, pero solicitando que bi haya representants d’o movimiento asociativo (una atra vez trafucando ciéncia con tiempo libre).
En zagueras IU, cuyas propuestas en princípio coinciden con CHA, encara que con una visión més realista e més sensata: cooficialidat ta las dos luengas minoritárias només que en os territórios d’uso, ensenyança obligatória progresiva de e en aragonés e catalan, autoridat lingüistica pa l’aragonés e un convénio con o Institut d’Estudis Catalans, e dotacion presupuestária. Ye una pena que només conten que con un unico deputau.
E o PSOE en bel médio d’a resta, duenyo d’a clau d’a futura Lei de Lenguas d’Aragon. Veyeremos con quí pacta e quáls son as condicions, si con o PAR, sacrificando o termino ‘catalan’, e aprevando una lei purament folclorica u ajuntando-se con as posicions progresistas de IU e CHA (anque havendo de rebaixar ésta as suyas exigéncias irreals).
A respuesta, tan largament esperata, talment antes de cabo d’anyo.
Us ha agradat aquest article? Compartiu-lo!
Pues es curioso, que al final el PSOE ha aceptado muchas enmiendas de CHA y apenas de IU, y los de IU votan en contra, no porque la ley haya quedado “mica ponderata” o con “sápia hipernacionalista” o “difuera d’a raçon e d’a mesura”, sino, más bien al contrario, porque ha quedado descafeinada. No me cuadra. Supongo que las referencias a las capitales son como zonas de recepción, lo que es bien cierto.
No entiendo por qué ye una vergüenya l’academia d’o catalán y no a de l’aragonés. Todas dos luengas tienen ya autoridatz lingüisticas. Que en a SLA no reconoixcatz a la de l’aragonés no significa que no exista.
Atro tema important d’a lei d’o que no se’n parla ye a toponimia unica: ixo va a fer que a mayoría d’os concellos refusen a denominación unica que amarguine a denominación castellana, oficial hasta d’agora y marca turistica en muitos casos. Ixe ye un gol importantismo que nos han marcau.
Por cierto, en os creditos de Lllengüesvives te sigues clamando Xavier. No te puedo felicitar por a operación de cambio de sexo, pos t’has quedau igual.