Seguntes yera previsto, o esperato e deseyato ‘Consejo Superior de las Lenguas de Aragón’ se constituyó, a la fin, o pasato 10 d’aviento de 2010. No’n bi havió de sorpresas: toz os miembros que yeran estatos proposatos per cada una d’as partis a qui li pertocava bi acudioron e aceptoron de buen implaz o suyo nombramiento. O sinyor José Bada, ex consellero de cultura d’o Guvierno d’Aragon, fue qui asumió a presidéncia de dito Consejo e Marta Marín, impulsora de lo cheso, fue nombrata secretária.
A prensa aragonesa se’n fació eco arrienda e no bi havió dingun problema remarcable ni s’acabó lo mundo como bel un vaticinava.
Es miembros decidioron d’ajuntar-se o dia 27 de ginero, u siga, ista semana pasada.
Un paixarico nos ha charrato que en ista segunda trobada d’o CSLA –a la que tamién bi han acudito toz es consellers e conselleras– s’ha aprevato ya lo suyo Reglamento d’Organizacion Interna e que agora encomiença a parte més dura e aspra: la de decidir qué perfil d’Académias quieren pa l’aragonés e pa o catalan, e lo que ye més dificultoso, quí va a formar parte d’ixas Académias. Respective d’o catalan, pareix que no bi havrá garra problema. Lo movimiento de defensa d’o catalan en Aragon fa tiempo que va d’o ganchet e toz a una. Lo problema, como ye de dar, va a estar l’aragonés. En toz estes anyos no ha sabiu u no ha puesto ganar-se un solido liderazgo perque, si bien Francho Nagore ha endreçato lo movimiento desde fa més de trenta anyos, en zaguerias, ye estato firme contestato per destacables ex companyers d’o Consello d’a Fabla Aragonesa (cosa que ya se berruntava) asinas como per asociacions enteras –d’os patrimonials, en general, ni parlar-ne: els, per un regular, han fuito d’ixe aragonés artificioso u ‘común’, como pompososament se nombra, dende lo primer dia.
A venient reunion, contina charrando-me ixe paixarico, se ferá o 17 de febrero, de tardes. Promete muito debat y será alvez quan cada uno d’os miembros d’o Consejo havrán d’amostrar as suyas cartas, fixar as suyas posicions e, como gosa decir-se castiçament, ‘retratar-se’.
Continaremos informando-ne.
Us ha agradat aquest article? Compartiu-lo!
Confiem totz en iste Consello Superior, y més que més que essuyos miembros piensen en lo millor ta l’aragonés y ta’l suyo futuro. El consenso ha d’estar la clau y si de nuevo es personalismos y protagonismos se fan notar més que la preocupación per el futuro de la nuestra llengua, mala barraca!, que dim es valencianos.
Confio en que no se repitan errors del pasau, que només cal veyer el conflicto valenciano ta comprevar tot lo tiempo que vam perder ta normalizar el nuestro idioma, y que encara dura.
Al final la gran perchudicada ye la llengua, aquella que tanto defendem, sentim y querim, y en la qual no pensam quan ye menester.
Sentiu común, paciencia y consenso, pero muita decisión y valentia.