Guaiteu el Bar Jan Petit: un pedaç d'Occitània a Barcelona. Si aneu pel carrer de les Guilleries de Gràcia li trobareu. Un bona torrada, una bona amanida.........li ben trobareu!
Mercès a un auditor simpatic, dempuèi lo mes de Junh podètz escotar Radio lenga d'Òc sul vòstre telefonet ( Android - Iphone - HTC... pas BlackBerry ).
Basta pas que de telecargar l'application, de cerca "Radio Lenga d'òc e Hòp a setz a l'Escota !!
paisosoccitans |
dissabte, 24 de desembre de 2011 | 18:51h
JORNALIÈR AUDENC n° 11-358 (dimenge 25 de decembre de 2011)
BON NADAL ! ! ! BON NADAL ! ! !
*** Cada jorn serà mai bèl : passatz comanda del calendièr occitan de 2012 : 15 € (+2,50 de mandadís). Tèma : las pèiras. Fotografias de Joan-Loís Caparròs. De comandar a IEO-Aude BP 105 11022-Carcassona Cedex *** 1) Deman 2) Papieròt menerbés 3) Catalòg del Grop Òc 4) Al fial del temps ======================================================== 1) DEMAN * diluns 26 : - Blomac : recital de Cristian Almerge ======================================================== 2) PAPIERÒT MENERBÉS (in La Semaine du Minervois, 22/12/11) A VIRA-CANTURLA L’Òme-Nadal es cansat d’aquesta passa coma jamai pus. Te li venon de cambiar d’un sol còp totes los oraris dels trens. Per anar mai aviats, partisson mai d’ora, arriban pus tard e s’arrèstan pas mai dins las garas. Vai-te’n faire una distribucion de joguinas capitada dins aquela environa, sens doblidar las pilas, las ficas tecnicas, la revirada en occitan e lo bon de garantida. De matin, entre los milierats de letras (amb dessenh dels rèns, sus fons d’avets e de nèu faita al canon) dels pichons e de las pichonas que creson en el e de parents que fan mina, t’a devistat un corrièr de l’agéncia de notacion Estendart e Pauròts que li a dit qu’èra totalament contra-productivista de faire presents a bodre sens que prengue brica en compte la valor-trabalh que los mainatges demandaires aurián pogut metre al servici del capital dins la resolucion del deute induit (o quicòm atal : a pas tot comprés, e lo cronicaire encara mens !). Passa que t’ai vist per la tripla A ! Coma aurà pas una bona nòta, pas segur que li demorèsse un present per el al fons del gòrb a la fin del trimèstre ! ! ! E vos parli pas de sos collègas (un pauc mens nombroses) que son encara a escaladar las faciadas dels ostals e a balhar un plan marrit exemple : en aqueles temps d’inseguretat tornada, pensi pas que siague una bona idèia de mostrar per qun camin se pòt dintrar dins los ostals en se jogant dels sistèmas d’alarma. Los Òmes-Nadals verds an, elis, pres un pauc d’avança sul calendièr. Aquò lor i faguèt tifa-tafa quand vegèron las chiminièras bèlas de las centralas nuclearas e, sens gaitar los panèus d’interdiccion, te dintrèron suls sites coma se dintra dins un molin (a Vilanòva, Felinas o Cucunhan) ! ! ! La farina plutonica montèt al nas d’EDF que demandèt al pichon paire Nicolau de salvar las chiminièras portairas del devenir de l’energia francesa. Per faire bona mesura, Areva avisèt lo Franceson que d’autres verds volián faire misèrias a las super-centralas. Sul pic, lo mèstre de la Corrèsa anèt crompar de deserbant (sabi pas s’èra biologic), mas sa colèra demorèt dintrada : capitèt pas de virar al roge ! ! ! Nosaus los Occitans, fa temps que sèm per la decentralizacion e doncas per la de—centralizacion nucleària : Nucleari que nani ! L’Òme-Nadal, de son pòste estrategic, seguís tanben l’actualitat internacionala. En Russia, es passat ras Potina : d’un pauc, mancava sas eleccions trucadas ! ! ! Belgica a tornarmai ministres : lo país capitèt de viure 540 jorns sens govèrnament. N’i a que cridan al miracle, mas aquò es just una peta de conilh enlapinat : nosaus los Occitans, fa mai de uèit sègles que vivèm sens govèrnament ! E lo paure Òme-Nadal, abans de partir en virada, de cercar sandaletas per remplaçar las bòtas que lo rescalfament climatic va acabar per li faire virar la canturla. Canturnadalet Roch ======================================================== 3) LO CATALÒG NOVÈL DEL GROP ÒC CD, DVD, libres, bandièras… : de telecargar http://www.ocmusic.org/images/Saison%202011/telechargement/OcCatalogue2012.pdf ======================================================== 4) AL FIAL DEL TEMPS VEN DE PARÉISSER a l’Ostal del libre AU FIL DU TEMPS VIRE LE VENT... / AL FIAL DEL TEMPS VIRA LO VENT... Georges-Maurice Maury / Jòrgi-Maurici Maurí, illustrat per Georges Sarre, prefaci de Fèliç Daval. Lo segond recuèlh de contes de Jòrgi Maurí, que contunha sa passejada a travèrs temps, ara del sègle xvii als jorns d’auèi. Sovenirs personals o de familha, fachs-divèrs e causas vistas, interpretacion novèla de contes tradicionals, mai de nhòrlas... lo contaire porgís una galariá de retrachs acolorits. Bofonoriá o saviesa, juòcs de mots e de ritmes (d’unes contes son en vèrs) : un recuèlh variat, qu’engendra pas melenconia ! Bilingüe ambe tèxtes occitans e francés (revirada de l’autor) cap e cap, amb CD en occitan inserit dins lo livre (contes legits per l’autor). Una ajuda per legir l'occitan d'Auvernhe, e lo plaser d’ausir lo contaire ! Edicion Ostal del libre, Colleccion L’adret / l’adrech ~ ISBN : 978-2-914662-17-8 ~ Format 13,5 x 21 cm, 264 paginas, brocat, cubèrta quadricromia, amb CD. Prètz de lançament dusca al 15 de febrièr de 2012 : 22,90 € (pòrt ofèrt) Prètz lo 16 de febrièr de 2011 : 24,35 €
Per comandar : Ostal del libre - découvertes occitanes edicion e difusion de produchs culturals occitans association 1901, agréée Jeunesse et Education populaire 32 Cité Clair Vivre, BP 602 15006 AURILLAC Cedex
tél : 04 71 43 33 69 ; fax : 04 71 48 93 79 courriel : ostal.del.libre@cegetel.net http://ostal.del.libre.cantalpassion.com ==================================================================== *** ANEM ÒC ! PER LA LENGA OCCITANA ! : manifestacion lo dissabte 31 de març de 2012 a Tolosa *** * Lo calendièr del mes de decembre occitan audenc es en linha sus : http://ostal.sirventes.pagesperso-orange.fr/ ** De consultar tanben : www.ieo-lengadoc.org ; www.paraulas.net ; www.occitanica.eu =============================================== Lo " Jornalièr Audenc " es una iniciativa de l'Institut d'Estudis Occitans-Aude. Es mandat al rasal de difusion de l'associacion. Per l'ora : 444 personas o associacions. Se lo volètz pas mai reçaupre, nos avisar. Mas podètz tanben informar vòstres amics e amigas d'aquela existéncia e los faire ajustar a la lista de difusion. Mercé. ======================= BON NADAL ! Pensatz de comandar lo calendièr occitan de 2012 a l'IEO-Aude : 15 € (+ 2,50 € de mandadís) : Joan-Loís Caparròs fotografia las pèiras (ostals, cabanas, ròcs...)
paisosoccitans |
diumenge, 18 de desembre de 2011 | 02:26h
La República Francesa , potser no bullirà, però farà xup-xup el 31 de mars 2012 proper,doncs alguna cosa s' està coent al nord de les Alberes.
Efectivament el 31 de mars està previst que totes les llengues minoritzades de França organitzin alguna manifestació civico-cultural per aquesta data,que està marcada de fa mesos.
Els nord-catalans volen fer i faràn la lipdub mes nombrosa del planeta.
Els occitans tenen previst organitzar una gran manifestació a la Capital de l' Occitania Centrala, Tolosa de Llenguadòc, no hem d' oblidar la gran manifestació de l' octubre 2010 que va aplegar més de 25.000 personas reivindicant la llengua occitana.
Ara s' han reunit a Paris per coordina's :Occitans,catalans,eúscars,bretons alsacians,corses......
paisosoccitans |
dimecres, 23 de novembre de 2011 | 18:15h
Veieu doncs la segona plana de lo Jornalièr Audenc d' avui,on el president de l'IEO parla del finat tot lloant-lo i honorant'l
======================================================== 2) ENRIC, NOS SOVENDREM…
Enric Garriga Trullols, president del CAOC nos quitèt dijòus passat. L’Institut d’Estudis Occitans saluda aquesta òme de conviccion que se consacrèt tota sa vida au desvolopament de l’amistat e de la collaboracion entre Catalans e Occitans. Es ambé grand tristum que compatissèm ambé sa familha e seis amics dins aqueste moment de grand pena. Se sovendrem d’un òme qu’a obrat de lònga per la coneissença recipròca de la cultura occitana e catalana. Se recordarem l’Enric Garriga Trullols, membre de l’IEO, tant dinamic, iniciator de tant d’eveniments per la lenga e l’amistat occitano-catalana. Sarem fidèles a sa memòria se sauriam mielhs comprendre e caminar cotria. Adreiçam en totei que l’an conoissut e costejat nòstrei profondei condoléncias. Pèire Brechet, President de l’Institut d’Estudis Occitans
paisosoccitans |
dissabte, 19 de novembre de 2011 | 10:42h
Heus ací l' editorial de lo Jornalièr Audenc d' ahir ahont la lloança i el dòl per la mòrt de l'occitanista Enric Garriga desgrana el profund reconeixement que li tenien:
JORNALIÈR AUDENC n° 11-322 (dissabte 19 de novembre de 2011) * A fum cap a l’Òc e l’endacòm mai a l’Airòl cultural de Ferrals : Léonie, per Cia La Loue, dimenge 20 a 17 h * *** Es disponible : passatz comanda del calendièr occitan de 2012 : 15 € (+2,50 de mandadís). Tèma : pèiras. Fotografias de Joan-Loís Caparròs. De comandar a IEO-Aude BP 105 11022-Carcassona Cedex *** 1) Mòrt d’En Garriga-Trullòls 2) Dimenjada 3) Al finestron 4) Peuples indigènes et environnement 5) Emploi
======================================================== 1) GRAND TRISTUM : MÒRT D’EN GARRIGA-TRULLÒLS Lo president de l’Institut de Projeccion Exteriora de la Cultura Catalana (IPECC) e del Cercle d’Afrairament Occitanocatalan (CAOC), Enric Garriga Trullols, es mòrt a Barcelona als 85 ans. L’enterrament serà deman dissabte, jorn 19 de novembre, a la 16.00 ora, al Tanatòri de la Ronda de Naut de Barcelona (Scala Dei, 17-37). La capèla dobrirà aqueste tantòst (dijòus) a 16.00 h . Enric Garriga Trullols, enginhèr quimic de profession, dediquèt la siá vida a trabalhar per l'independéncia de Catalonha, e o faguèt de multiplas manièras. Dempuèi la siá collaboracion contunhada amb dirigentas de totes los partits nacionalistas e sobeiranistas fins a la participacion activa en fòrums e plataformas, totjorn amb l’objectiu de conciliar de volontats, jónher d'esfòrces e aténher l'unitat d’accion de l’independentisme. En parallel a la siá activitat politica, e en la meteissa direccion en çò que tanh als objectius, Enric Garriga Trullols va participèt dins lo Congrès de Cultura Catalana (1975-77). Pauc après finalizat aquel Congrès, que trabalhèt en l’domeni de projeccion exteriora, fondèt amassa amb autras personas, l’Institut de Projeccion Exteriora de la Cultura Catalana (IPECC), dempuèi d’ont a desvolopat un prètzfach enòrme de promocion internacionala de la cultura catalana a travèrs d’accions fòrça divèrsas, coma la creacion e l’impuls de las XXIII edicions dels prèmis Josep Maria Batista i Ròca celebrada fins ara, lo bastiment de monuments a personalitats catalanas a l’Argentina, Alemanha o Belgica, la promocion de viatges per conéisser l’expansion catalana a la Mediterranèa, e las peadas catalanas, a Centreuròpa e a America o la promocion de la descobèrta de las gèstas istoricas catalanas. En 1977 participèt activament a la fondacion del Cercle d'Afrairament Occitanocatalan (CAOC), entitat dedicada a la promocion de las relacions entre las culturas e los pòbles occitan e catalan. Pendent los darrièrs 34 ans a menat a tèrme un trabalh constant d’aprochament entre Catalonha e Occitània, qu'es estat per el reconegut largament a Occitània. Entre fòrça autras iniciativas, e amb dedicacion constanta, es estat lo creador e menaire de las XXXIII edicions de l’Amassada dels Fuòcs de Sant Joan a Montsegur, celebradas fins ara; las XXIV edicions de la Pojada al Pòrt de Salau per la lenga e l'amistat occitanocatalana; o las XIV edicions de la Dictada Occitana a Barcelona. Participèt activament als darrièrs trenta sèt ans a l’Escòla Occitana d’Estiu, a Vilanova d'Òlt. Pendent los darrièrs cinc ans a impulsat la Messa Occitana a Prats de Rei; impulsèt las classas d’ensenhament de l’occitana a Barcelona, e participèt activament a la tramitacion de la Lei de l’occitan. Èra membre de l’Institut d’Estudis Occitans. http://www.ostaldoccitania.net/news.php?lng=fr&pg=1592
* De segur, dins Aude, l’Enric venguèt mai d’un còp dins viatges per decobrir Carc ssona, Narbona, los castèls, participar mai d’un còp a Escritura e a l cap de la delegacion catalana per las manifestacions Anem Òc ! de 2005 e 2009. Perdèm un brave ligam de renfortiment dels escambis entre fraires catalans e occitans. (IEO-Aude)
* Lo rescontrèri pel primièr còp bèls temps fa, a una de las primièras Universitats Occitanas d’Estiu (benlèu la primièra, a Montpelhièr, en agost de 1972). Aprenguèt lèu fait a parlar l’occitan. (Veniá en Occitània per un fum d’ocasions : Escòla Occitana d’Estiu, rescontres divèrses, manifestacions per l’occitan... e l’i parlava de longa.) Lo tornèri veire a Narbona gaire de temps après, quand venguèt amb un carri de Catalans d’una associacion, Xarxa (rasal) Cultural, se me soveni plan. Puèi, fondèt lo CAOC, Cercle d’Agermanament Occitano Catalan, qu’a son equivalent occitan amb lo CAOC, Comitat d’Afrairament Occitano-Catalan, coma la legislacion de las associacions son diferentas dins los Estats espanhòl e francés. Desempuèi, es a dire pendent mai de trenta ans, trabalhèt de longa al desvolopament de l’amistat e de la collaboracion entre Catalans e Occitans. Se li deu en granda part, me cresi, lo desvolopament d’activitats occitanas en defòra del mond universitari, a Barcelona e en Catalonha Sud (corses d’occitan, dictada occitana, etc.). Apreni pels articles çai-jos sos engatjaments politics. Vistes de l’Estat francés, amb la mentalitat qu’i domina, se pòdon pas comprene coma cal, emai demest los occitanistas. L’independentisme de " minoritats ", en Catalonha, en Irlanda, en Escòcia... sembla una actitud d’aventurièrs irresponsables, de tant que l’Estat es sacralizat en França. S’imagina pas l’independentisme de gents joves e vièlhs, de gents de situacions socialas establidas, de gents de totas las categorias socialas sens excepcion, de gents autres que de marginals e de " minoritaris " per definicion. Me dobtavi pas brica que fasiá l’engenhaire quimista. Me sembla meravilhós. S’endeven mai que plan amb son apariéncia. Prim e d’uèlhs blaus, èra aimable e cultivat e pasmens simple e net. Èra un òme de conviccion e i consacrèt sa vida. Se merita un brave còp de capèl de totes los Occitanistas. Cal plànher qu’a Narbona, vila pichòta al temps que sèm, i aja pas un monde cultural vertadièr. S’èra lo cas, s’i comprendriá fòrça mai l’importància de las relacions occitano-catalanas, l’ensemble de sa populacion la comprendriá melhor, e Narbona ne seriá lo fogal e un modèl pels Occitans de pertot (sens pretendre assimilar Occitània a Catalonha, que l’istòria e la situacion son desparièras). O disi sovent, los Catalans an la passion de la cultura (pas solament catalana). Doblidarai pas jamai lo jorn qu’Enric Garriga Trullols convidèt lo Cercle Occitan de Narbona a se júnher a la delegacion de Catalans que menava per rendre d’omenatge al grand occitanista Joan Anglada, davant sa tomba, al cementèri de Lesinhan de las Corbièras. (Èra probable per un aniversari de la naissença o de la mòrt d’Anglada, benlèu en 1980). Luènh de nos faire vergonha, nos tornèt lo sentiment de la dignitat. Parlàvem fa pas gaire " d’eveniments ". Un eveniment que caldriá organizar, seriá un nom de carrièra, una placa commemorativa o un monument, a Narbona, dedicat a Enric Garriga Trullols. (Sèrgi Granièr) ===============================================================
paisosoccitans |
dimarts, 1 de novembre de 2011 | 12:23h
El diari de Paris le Figaró té la barra de presentar una enquesta a la que pregunta si cal reduïr- encara més!!- l' ensenyament de les llengües propies dels territoris ocupats per la Republica francesa, dites llengües regionals pel poder centralista i opresor de les dites cultures ''regionalas''
Cliqueu l' enllaç i cliqueu el ''non'' tantes vegades com pugueu i passeu-ho a la vostra colla
paisosoccitans |
dissabte, 29 d'octubre de 2011 | 10:15h
JORNALIÈR AUDENC n° 11-301 (dissabte 29 d’octobre de 2011) * Reservatz vòstre repais-pomas del divendres 4 a Puègnautièr – 10 € per persona - e vòstra plaça per l’espectacle Nadau del dissabte 5 de novembre a Puègnautièr — 12 €, 8 € mens de 12 ans, a res-non-còst pels mens de 5 ans. Chèc a l’òrdre del Cercle Occitan de Carcassona. Entre-senhas : 04 68 25 19 78 ; ieo11@ieo-oc.org * ** Passatz comanda del calendièr occitan de 2012 : 15 € (+2,50 de mandadís). Tèma : pèiras. Fotografias de Joan-Loís Caparròs. D comandar a IEO-Aude BP 105 11022-Carcassona Cedex ** 1) Dimenjada 2) Al finestron 3) Emplec ======================================================== 1) DIMENJADA * duscas al 30 : – Tolosa : Le Festival Peuples et Musiques au Cinéma se tient du 27 au 30 octobre 2011 à La Cinémathèque de Toulouse et à La Cave Poésie. Le programme : http://PMC.centerblog.net/
* dissabte 29 : - a la ràdio : La rencontre de Coupe d'Europe de rugby à XIII entre la France et l'Ecosse sera commentée en direct ce samedi 29 octobre (à 15h) et en occitan sur les ondes de Ràdio-Lenga d'Òc-Erau (95,4 dans l'Hérault ou www.radiolengadoc.com) par le duo Alan Roch (la voix occitane du stade A-Domec) et Joan-Francés- Albert (entraîneur de l'ASC XIII) depuis le stade Brutus (Perpignan). - Mar e Montanha a Vilardonèl (Fèsta de las Castanhas) - La Sauze e Mans de Breish cantan a la Cooperativa de Lesinhan (21 h)
* dimenge 30 e diluns 31 : - clotura del festenal Festen’Oc se debanara les 30 e 31 d’Octobre a SAURAT Arièja Nauta dins la Maison d’Amont http://festenoc.free.fr/ProgrammeFestenOcOctobre2011.pdf ======================================================== 2) AL FINESTRON Sur France-3Sud 11H30 VIURE AL PAIS - OCCITAN - Présenté par Benaset Roux
* CULTURA : " Letras d’Òc " De Sirina Tijani et Clamenç Alet La littérature occitane compte peu d’éditeurs professionnels. Parmi les plus importants, figure " Letras d’Oc " (Lettres d’Oc), créé en 2005 par le Béarnais Jean Eygun. "Letras d’Oc" publie tous les genres littéraires et dans tous les dialectes occitans. Seuls impératifs : que le niveau de langue soit bon et, surtout, que le texte plaise à Jean. Pour faire connaître et vendre ses livres, il organise des rencontres... Nous l’avons suivi à Montpellier, chez les poètes J-M. Petit, puis M-J. Verny et M. Rouquette qui traduit les poèmes de F. García Lorca et E. Fraj les met en musique. * CRONICA : " Antoine Dubernard " D’Aurelia Lassaque et Amic Bedel C’est le retour des chroniques littéraires dans Viure al País ! L’écrivain et poétesse occitane Aurelia Lassaque viendra régulièrement partager sa passion des mots, ses découvertes… Pour ce premier numéro, le dramaturge limousin Antoine Dubernard - " lo chamin de Sent Jaume ".
* FIGURA : " Maria Roanet entre cèl e montanha " De Myriam François et Jean-Pierre Duntze Entrée à l’Ecole normale supérieure en juillet 1952, Maria écrit ses premiers récits en occitan 10 ans plus tard. Elle développe parallèlement une carrière de chanteuse occitane et devient Déléguée au patrimoine à la mairie de Béziers. En 1990, elle publie son grand succès " Nous les filles " puis " La marche lente des glaciers ", " Du côté des hommes " et plus récemment " Trésors d’enfance " et " La Nègre ". Brodeuse de mots, révélatrice des petits détails du quotidien, Marie Rouanet nous convie à des moments partagés entre ciel et montagne.... ======================================================== 3) EMPLEC FICA DE PÒSTE Animator economic interregionau deu labèl Oc per l’occitan !
* Presentacion de l’IEO (www.ieo-oc.org): L’IEO qu’es ua associacion lei 1901 creada en 1945, reconeishuda d’utilitat publica (1949) e agreada Joenessa e educacion populara (1986), qu’a per tòca lo contunh e lo desvolopament de la lenga e de la cultura occitanas hens lo son ensems. Lo monde que son uei a l’IEO que tribalhan tà que la lenga occitana e tròbi la soa plaça legitima, la d’ua grana lenga d’Euròpa. Qu’ei pr’amor d’aquò que l’IEO e se bolèga tà obtiéner ua plaça mei importanta per l’occitan hens la vita publica, los mèdias, l’ensenhament. L’IEO, qu’es tanben ua accion quotidiana de cada aderent entà que la cultura occitana sii ua cultura viva e contemporana, creatriça e innovanta, qu’assuma tanben la soa istòria. A partir deus sons burèus federaus situats a Tolosa, carrèra Malcosinat (plaça Esquirol), l’IEO que perpausa e anima projèctes a vocacion interregionau en favor deu desvolopament de la lenga e de la cultura occitanas.
* Presentacion deu labèl: Desempuish annadas, l’I.E.O. que desvelopa lo labèl "Oc per l’occitan" dab lo son partenari, l’Ofici per l’occitan. Uei, que balham un vam navèth ad aqueste projècte; qu’ei pr’amor d’aquo, dens lo quadre deu son desvolopament, que l’IEO que recruta un encargat de mission "animator economic interregionau". Dab mei de 250 estructuras labellizadas uei lo dia, la nosta demarcha que se va desvolopar a partir deus hialats locaus deja presents suu terrenh. Atau, qu’esperam balhar mei de visibilitat a l’usatge de la lenga dens lo domeni economic pro lèu. Lo labèl qu’ei un engatjament, mercés a ua convencion, d’ua estructura (subretot privada) entà includir la lenga occitana en las soas activitats. Tres nivèus de labellizacion que son perpausats (nivèu 1: aicí, l’occitan nos agrada; nivèu 2: aicí parlam occitan; nivèu 3: aicí l’occitan es pertot). Los labellizats que son referenciats suu site www.occitan-oc.org e que s’engatjan de cap a d’accions a favor de la socializacion de la lenga occitana.
* Encargat-da de mission, que vos calerà : - comercializar lo labèl deu labèl dens lo pais tolosan e de cap a las collectivitats e deus associats publics e privats potenciaus. - estructurar lo hialat de comercializacion deu labèl " Oc per l’occitan " de cap au monde economic e associatius (convencions) - contactar e seguir los comerciaus departamentaus e regionaus deu labèl - animar lo hialat (letra d’informacion, estudis de mercat,…) - seguir e desvelopar l’activitat economica - participar a l’animacion e a la gestion deu site internet " oc per l’occitan " - participar a la mesa en linha de las informacions deus labelizats suu site de las " paginas occitanas - editar e difusir un anuari annadièr deu labèl Competéncias demandadas : - occitan escrit e parlat - capacitat comerciau - capacitat organizacionau Durada : CDD de 12 mes dab possibilitat de perlongament a 18 mes Debut : genér de 2012 Salari: basa SMIC Temps de tribalh: miei-temps Pòste dab un potenciau important d’evolucion (segon l’activitat) Convencion nationau de l'animacion Pòste a Tolosa
* CV e letra de motivacion de mandar a direccion@ieo-oc.org abans lo 1er de deceme de 2011 ======================================================== *** ANEM ÒC ! PER LA LENGA OCCITANA ! : manifestacion lo dissabte 31 de març de 2012 a Tolosa *** * Lo calendièr del mes d’octobre occitan audenc es en linha sus : http://ostal.sirventes.pagesperso-orange.fr/ ** De consultar tanben : www.ieo-lengadoc.org ; www.paraulas.net ; www.laportadoc.eu =============================================== Lo " Jornalièr Audenc " es una iniciativa de l'Institut d'Estudis Occitans-Aude. Es mandat al rasal de difusion de l'associacion. Per l'ora : 444 personas o associacions. Se lo volètz pas mai reçaupre, nos avisar. Mas podètz tanben informar vòstres amics e amigas d'aquela existéncia e los faire ajustar a la lista de difusion. Mercé. ======================= *** Manjatz pomas : setmana d'animacion a Puègnautièr (2-9/11) ***
** Nadau canta a Puègnautièr, dissabte 5 de novembre **
* La Mal-Cofada, en repeticion dobèrta, dijòus 3, 19h, a Ferrals *
JORNALIÈR AUDENC n° 11-295 (dimenge 23 d’octobre de 2011) * Reservatz vòstre repais-pomas del divendres 4 a Puègnautièr – 10 € per persona - e vòstra plaça per l’espectacle Nadau del dissabte 5 de novembre a Puègnautièr — 12 €, 8 € mens de 12 ans, a res-non-còst pels mens de 5 ans. Chèc a l’òrdre del Cercle Occitan de Carcassona. Entre-senhas : 04 68 25 19 78 ; ieo11@ieo-oc.org *
1) Un dimenge 2) Papieròt menerbés 3) Batejalhas d’orses 4) Per clavar Festen’Òc de 2011
======================================================== 1) UN DIMENGE * dimenge 23 : - Espesèlh : la fièra - Castans : fèsta de las castanhas
* duscas al 23 d’octobre : - Festenal Occitania : festivaloccitania2011.com ======================================================== 2) PAPIERÒT MENERBÉS (in La Semaine du Minervois, del 20/10/2011) AL CORRIÈR DEL SAGÈL VERD * Critica literària :" Cal pas creire l'Alan quand vos ditz que s'apren pas gaire suls Ipopotams e pas res sus la Mesopotamia dins son darrièr obratge L'Ipopotam mesopotamian (IM per faire cort). Per anar dreit al but (IM o OM, me diretz, es pas lènc) farai remarcar que : - la Mesopotamia es lo país d'entre los flumes, etimologicament, e de flumes dins nòstre país ne mancam pas : Aude, Ròse, Garona ... per citar pas que los mai bèls. Sens parlar dels flumes metaforics (n'i a benlèu autant coma d'estelas o d'albas metaforicas : lo flume de la passion, lo flume de las manifestacions per la lenga occitana ...) o mai prosaïcament lo flume de vin que nos oncha lo gargamèl. Aqui jà, son compte reglat a la Mesopotamia. - E l'ipopotam, me diretz ? Lo que tusta sus son tam-tam a la pagina 11 (benlèu un biais de rendre omenatge al despartament, o al flume Aude ?) es basicament un caval de flume. E lo caval de flume, qu'es aquò ? Es la femna ! E òc, metaforicament, l'ipopotam es una representacion feminina. Vos pensatz pas que digue aquò per me trufar de las fòrmas generosas d'aquel animal, que ten el tanbens "çò que cal, ont ba cal". Non, un caval dins l'aiga (o puslèu una cavala, lo sèxe es pas precisat) , en Mesopotamia o endacòm mai, es lo flume multiplicat per lo flume. A travèrs l'eqüacion de l'equitacion, l'òme a totjorn ensajat de domdar l'ipopotam e l'ipopotam totjorn demorèt indomdat. Es per aquò que contunha de tustar sus son tam-tam dins las tutas d'Amsterdam..(n'i a que vos diràn que i a una similitud entre "ipopotam" e "popotin" mas anirai pas fins aquí). Aquí son compte reglat a l'Ipopotam. Vesètz plan que cal pas creire l'Alan quand vos ditz (veire a la debuta) !! Anem l'IM ! Legissètz l'IM, i aprendretz tot sus l'ipopotam mesopotamian ! " E, per aqueste còp, lo Legeire signa : Doctor Sigmund Von SteinGrosse, professor d'ipopotamologia, membre de l'escòla psiquanalitica freudo-onfraiana de Mefiules. Li daissam la totala responsabilitat de son exegèsi e li desiram plan de plaser per vos explicar pel menut lo perqué del cossí del libròt venent que se dirà : " La manrega de la tartuga " ! * Estadistica : Un autre legeire fa de prospectiva : " A ço que ditz l'INSEE, Lengadoc-Rosselhon que comptava 2,6 millions d'estatjants en 2007 ne comptarà entre 3,1 e 3,5 millions en 2040 mercé a d'apòrts exogèns : retirats, etc, mai que mai originaris d'autras regions francesas o europencas. En d'autris tempses, autris luòcs se seriá parlat de colonizacion, mas tot aquò es passat de mòda. Los mejans meses en plaça d'aicí a 2040 per integrar aquelis novèls arribants a la cultura, a la lenga e a la civilizacion occitanas o catalanas son a la nautor de l'enjòc ! En 2040, l'accent ponchut aurà pas vencit ! " Mas qual crei encara a las previsions dels estadisticians vertadièrs o virtuals ? Metaforic Roch (per 20,55 % !) ======================================================== 3) BATEJALHA D’ORSES Ajudatz-nos a batiar/batejar los 4 orsòts : 4 orsòts que son vaduts dens los Pirenèus. Qu'ei lo moment deus balhar un nom. Un petit nom occitan sere dilhèu charmant ta d'aqueste monde ? Anatz-y e emplenatz lo formulari en linha : http://www.paysdelours.com/fr/adet/soutenir-pays-de-l-ours-adet/baptisez-les-ours.html? ==================================================================== 4) PER CLAVAR FESTEN’ÒC 2011 Adissiatz, Desbrembatz pas que la clotura del festenal Festen’Oc se debanara les 30 e 31 d’Octobre a SAURAT Arièja Nauta dins la Maison d’Amont. Tot a gratis le vat le repaish mas coma las plaças dins la Maison d’Amont son limitadas desbrembatz pas de vos fèr mercar. N’oubliez pas que la clôture du festival Festen’Oc se déroulera les 30 e 31 Octobre à SAURAT Haute Ariège dans la Maison d’Amont. Tout est gratuit sauf le repas mais comme les places dans la Maison d’Amont sont limitées n’oubliez pas de vous inscrire. Amistats, La còla Festen’Oc
Programa en linha – Programme en ligne : http://festenoc.free.fr/ProgrammeFestenOcOctobre2011.pdf Tous les stages et bals sont gratuits. Inscriptions obligatoire pour toutes les activités : festenoc@netcourrier.com ==================================================================== *** ANEM ÒC ! PER LA LENGA OCCITANA ! : manifestacion lo dissabte 31 de març de 2012 a Tolosa *** * Lo calendièr del mes d’octobre occitan audenc es en linha sus : http://ostal.sirventes.pagesperso-orange.fr/ ** De consultar tanben : www.ieo-lengadoc.org ; www.paraulas.net ; www.laportadoc.eu =============================================== Lo " Jornalièr Audenc " es una iniciativa de l'Institut d'Estudis Occitans-Aude. Es mandat al rasal de difusion de l'associacion. Per l'ora : 444 personas o associacions. Se lo volètz pas mai reçaupre, nos avisar. Mas podètz tanben informar vòstres amics e amigas d'aquela existéncia e los faire ajustar a la lista de difusion. Mercé. ======================= * Contra la leucemia : serada divendres 28/10 a Vilaulin amb l'associacion GAEL. Participacion occitana : Alan Roch e Cossí que siague *
** Nadau canta a Puègnautièr, dissabte 5 de novembre **
*** Manjatz pomas : setmana d'animacion a Puègnautièr (2-9/11) ***
paisosoccitans |
dissabte, 30 de juliol de 2011 | 12:21h
ESCÒLA OCCITANA D’ESTIUDel 14 al 20 d’agost de 2011 se tendrà al Lycèu “L’Oustal” a Vilanuèva d’Oùt (47), la 37a edicion de l’Escòla Occitana d’Estiu. Los adultes poiràn seguir de corses de lenga, dins 3 dialèctes e nivèls, en formula intensiva o mai leugièra. Pels que comprenon un pauc la lenga, de talhièrs son organizats cada vesprada : cant, dança, onomastica, … En fin de vesprada de conferéncias son prepausadas sus divèrses tèmas segon las annadas : istòria, actualitats, literatura, … Los drollets e jovents, de 5 a 16 ans, poiràn participar a d’activitats educativas dins las seccions Escoleta d’Estiu o Escòl’Ados. Al programa, visita culturalas, activitats esportivas, arts plasticas, preparacion d’un espectacle, … Cada jornada s’acaba amb una fèsta ! Lo dimècres balèti amb “Los Violons de Garona”, un quinzenat de musicians vos faràn dançar sus de musicas de Gasconha e d’endacòm mai. Moment fòrt ongan : la fèsta de fin d’estagi, lo divendres 19 d’agost. En partenariat amb la comuna de Vilanuèva d’Òut, l’occitan e l’Occitania serà al còr de la vila, plaça Lafayette ! Repais sus plaça amb de crompas al mercat dels productors e animacion balèti amb lo grop Brick a Drac, e musica de Catalonha.L’estagi complet se debana al licèu (albergament, restauracion e actvitats). Autras possibilitats d’albergament a proximitat : ostalariá, campament. Contacte : EOE - 16 rua de Pujols - 47300 Vilanuèva d’Òut - 05 53 41 32 43 -
JORNALIÈR AUDENC n° 11-151 (dimars 31 de mai de 2011) LA LETRA DEL MES DE JUNH DE L’IEO-AUDE
SAUTAR LO FUÒC
1) Lo mes de junh 2) Al mes de junh 3) L’estiu del grop Òc 4) Nadau a Puègnautièr 5) Lo viatge polit cò de l’enfant polit 6) Anem Òc ! 7) un còp de man de l’IEO ? 8) Cortetas 9) Escotisson IEO
======================================= 1) LO MES DE JUNH Lo mes de junh es plan refofant en rendètz-vos occitans : los Total festum, lo Junh Festejaire (en Corbièras & Menerbés), Flor de Vinha a Ròcatalhada (lo 4), Promaude a Lesinhan, lo recampament pedagogic a Capendut, la Fèsta de la Musica... Tot un borbolh que soetariam de veire tot l’an. Ja, l’estiu seguirà amb un calendièr plan garnit ! La multiplicacion dels rendètz-vos impausa tanben la multiplicacion dels participants a travèrs proposicions per totes los publics, mas sens jamai daissar de costat lo còr de nòstra accion : la coneisssença, la difusion e la promocion de la lenga occitana.
Es malaisit de vos rendre compte de totes aqueles rescontres (caldriá un librilhon !) : traparetz lo calendièr lo mai a jorn possible sul site de l’IEO-Aude, http://ostal.sirventes.pagesperso-orange.fr/ mas tanben sus aquel de l’IEO-Lengadòc o sul site www.paraulas.net.
Mas, se pòt pas totjorn faire fèsta. Atal, l’accion per las oras d’occitan al Licèu de Limós a menat al manten de l’opcion qu’es mantenguda en 2nda, mas i a totjorn pas d’ensenhament al collègi. Dins una question pausada pels alsacians, lo Conselh constitucional ven de respondre que l’article 75 balhava cap de dreits. Es purament ornamental ! Aquò vòl dire que se cal mobilizar bravament encara e encara e capitar la novèla manifestacion Anem, Òc !. Alara, notatz plan la data e popularizatz-la : dissabte 31 de març de 2012 a Tolosa Comptam sus vos, en junh, en març e tot l’an ! =============================================== 2) AL MES DE JUNH * TOTAL FESTUM Fontjoncosa, Grussan, Laurac, Narbona, Pèmont d’Alaric, Pepius, Sud-Menerbés, Val de Danha... Totes los programas sus : www.laregion.fr
* JUNH FESTEJAIRE Tot lo programa sus : www.payscorbieresminervois.fr
* Un dimenge per las vinhas : lo dimenge 12 de junh, al Domèni de la Lausa (Monze). passejadas-descobèrtas lo matin ; repais ; animacions amb Castanha e Vinovèl. domainelalause@orange.fr ================================================ 3) ESTIU DE 2011 DEL GROP ÒC • Samedi 4 juin > Béziers (34) Place Jaurès : CATHARES RECONQUÊTE 04 67 76 84 00 • Samedi 11 juin > Pépieux (11) Place : LES VIGNERONS 04 68 91 41 12 • Dimanche 12 juin > Fleury (11) Place Église : LES VIGNERONS 04 68 46 61 31 • Vendredi 17 juin > Anduze (30) Parking Gardon : VIA HUMANA 04 66 61 98 17 • Dimanche 3 juillet > Portiragnes (34) Écluse : LES VIGNERONS 04 67 90 92 51 • Samedi 9 juillet > Montaner (64) Château : LE SECRET DES CAGOTS 05 59 81 98 29 • Samedi 16 juillet > Mazamet (81) Parc de la Molière : CATHARES CROISADE 05 63 61 27 07 • Mardi 19 juillet > Nébian (34) Rempart : CATHARES RECONQUÊTE 06 61 180 187 • Jeudi 28 juillet > Duilhac/Peyrepertuse (11) Place : CATHARES CROISADE 04 82 53 24 07 • Vendredi 29 juillet > Gruissan (11) Place : CATHARES RECONQUÊTE)04 68 49 09 00 • Samedi 6 août > Fontcalvy (11) Grange : CATHARES RECONQUÊTE 04 68 33 73 00 ; mercredi 10 août > Puivert (11) Château : CATHARES RECONQUÊTE • Samedi 13 août > Argeliers (11) Parc Marcelin Albert : LES VIGNERONS 04 68 33 73 00 • Vendredi 26 août > Colombiers (34) Malpas : CANAL DU MIDI 04 67 32 88 77 Totes los espectacles son a 21h30. www.ocmusic.org ============================================= 4) NADAU A PUÈGNAUTIÈR Lo grop Nadau cantarà en serada lo dissabte 5 de novembre de 2011 a Puègnautièr (sala Inter-Sports). La reservacion es dobèrta tre ara. Tarifa : 15 € ; grop , joves, : 12 € ; mens de 12 ans : 8 € ; a gratis pels mens de 5 ans. Per beneficiar de la tarifa grop, podètz mandar tre ara vòstra reservacion al Cercle Occitan del País de Carcassona-IEO BP 105 11022-Carcassona Cedex. Chèc a l’òrdre de : Cercle Occitan. Las plaças son pas numerotadas. ============================================= 5) LO VIATGE POLIT CÒ DE L’ENFANT POLIT Brave viatge pel grop d’un cinquantenat de personas al país de Joan Bodon a l’iniciativa de Fasètz la Lenga en Cabardés, lo dissabte 21 e lo dimenge 22 de mai. L’Ostal Bodon es un endreit de vistalhar per dintrar coma cal dins l’òbra de l’escrivan e sos enjòcs per la lenga nòstra : una scenografia de tria e los comentaris d’acompanhament ne fan unes moments requists. Lo Mans de Breish èra al melhor de sa fòrma per interpretar Bodon e tanben sas composicions (amb unas noveltats). Lo dimenge, se vistalhèt lo castèl del Bòsc ont Tolosa-Lautrèc visquet enfant puèi direccion la bastida de Sauvatèrra, en carri per d‘unes e a pè dempuèi Naucèla per d’autres. I aviá tanben de que beure e de que manjar. Aprèp aquela capitada, demòra de trapar una autra destinacion per l’an que ven ! =============================================== 6) ANEM ÒC ! Anem Òc ! : granda manifestacion per la lenga occitana, lo dissabte 31 de març de 2012 a Tolosa Notatz plan la data ! ============================================= 7) UN CÒP DE MAN DE L’IEO ? Se volètz organizar una manifestacion amb d’occitan, una serada, una conferéncia, una sesilha de contes, presentar mòstras occitanas, l’IEO-Aude vos pòt balhar un bon còp de man. Contact : 04 68 25 19 78 ; ieo11@ieo-oc.org ============================================= 8) CORTETAS * Dòna Carcàs 1 : un recuèlh de novèlas e poèmas de Brunò Peiràs ven de sortir cò d’IEO-Vendémias, 56 p, 10 € ; de comandar a l’IEO-Aude * Jornada Companhs de Paratge, lo dissabte 24 de setembre, al Mas-Stas-Puèlas : Lo caval, actor e testimòni de l’Istòria ; compagnonsparatge.blogspot.com * Escotatz Ràdio-Lenga d’Òc-Narbona sus 95,5 mhz ; www.lengadoc.eu ============================================= 9) ESCOTISSON 2011 Escotisson 2011 : retardataris, pagatz abans l’estiu ! Una de las fòrças de l’Institut, es vòstra participacion, vòstre sosten e vòstra adesion a las activitats mesas en plaça e als objectius perseguits per la promocion e la transmission de la lenga occitana. Mercé a aquelas e aqueles qu’an ja respondut. A totes los autres, disèm que dins aqueste moment ont las sorgas de finançament de las institucions son a demesir, vòstre escotisson constituirà una ajuda de primièra non solament pel sorire del clavaire mas sus las possibilitats de realizacion e d’engatjament dins nòstres domènis privilegiats d’intervencion : animacion, edicion, comunicacion, ensenhament de la lenga... E se podètz doblar vòstre sosten a l’estructura IEO per vòstra adesion a una estructura locala, serà encara melhor ! ========================================== De tornar a : IEO-Aude BP 105 11022-Carcassona Cedex Nom : ……………………………… Adreiça : ……………………………………………………………………………
e-mail (per reçaupre la letra internet de l’IEO) : ……………………………………………… Vos mandi .... € per pagar mon escotisson 2011 a l’IEO Simple : individual : 30 € ; jove, caumaire : 12 € ; coble, associacion : 38 € Amb sosten/adesion a una estructura locala : individual : 40 € ; jove, caumaire : 16 € ; coble, associacion : 50 € Lo demai es de mandar al Cercle de : País de Carcassona - Cabardés - Esperasan - Grussan - Beluga de Limós - Narbona - Quèrcorb - La Redòrta. =========================================== * Lo calendièr del mes de mai occitan audenc es en linha sus : http://ostal.sirventes.pagesperso-orange.fr/ ** De consultar tanben : www.laportadoc.eu ; www.ieo-lengadoc.org =============================================== Lo " Jornalièr Audenc " es una iniciativa de l'Institut d'Estudis Occitans-Aude. Es mandat al rasal de difusion de l'associacion. Per l'ora : 444 personas o associacions. Se lo volètz pas mai reçaupre, nos avisar. Mas podètz tanben informar vòstres amics e amigas d'aquela existéncia e los faire ajustar a la lista de difusion. Mercé. ======================= ÒC-CATARS 2-La Reconquista : creacion aqueste dissabte 4 de junh a Besièrs ; www.ocmusic.org
