Si fa u no fa, quasi totas, per no decir totas, as parlas minorizatas d’o mundo tienen u han teniu en bel momento un problema d’autoridat moral e cientifica. Estoi que ye inevitable dau, precisament, ixe caracter de ‘parla minorizata’, á la que han dau a espalda la ciéncia e os poders publicos. E l’aragonés no se’n escapa. Per muito que Nagore s’encerrine, ni él ni o Consello son l’autoridat de referéncia, l’autoridat cientifica de l’aragonés. Talment, fa ya muitos anyos, dica meyaus d’os uitanta, lo fuen –encá que només que pa bellas presonas u colectivos– pero a própia dinamica d’o suyo president, que montó ixa asociacion ta dar rienda suelta á las suyas elucubracions lingüistico-nacionalistas malmetió qualquier posibilidat d’arribar á convertir-se-ne.
Como filologo Nagore tiene una formación ben normaleta, radideta –ya se sape que qui muito abraca, poco preta–, y como capeça visible de l’aragonés cal decir que no ha sabiu u no ha quiesto canalizar es deseyos de buena parti d’o colectivo que diz representar.
En o suyo haver hi quedará lo mantener a flama viva de l’aragonés en aquels tiempos tan escuros, a suya revindicación e ajuntar alredor d’a suya fegura á toz aquels interesatos per l’aragonés e as suyas parlas constitutivas. Mesmo haver recuperato á escritors dialectals, anque en unas edicions més que modestas.
A la fin, Nagore e o Consello se son quedatos solos (d’es miembros historicos només hi queda que Jesús Vázquez), defendendo un constructo lingüistico, un desideratum, que se basa, ‘s’alaceta’ (que dirian els), en una visión pro aluenyanta d’a realidat e en una ortografía que si bien fació lo suyo papel per un tiempo, ara per ara ye obsoleta de tot.
E contina con a suya retolica, terne que terne, con os suyos percentages, con as suyas estadisticas, con o suyo discurso caduco e acientífico, difuera d’o mundo real, creyendo-se en posesion d’a verdat, d’a unica verdat, como un iluminau, con un esprito que raya, asinas lo veigo á ormino, lo mesianismo.
Nagore ya no va á cambiar. Seria traicionar a suya propia existéncia, a suya religion. Ye una pena, perque o zaguer tren que suposa pa l’aragonés a Lei de lenguas –un tren rebunyoso de via estreita, un canfranquero, imos–, va á partir. Muitos queremos puyar-nos-hie, pero él ya no va á estar o fogonero. Per suerte os suyos planteyamientos son ya en minoria.
Us ha agradat aquest article? Compartiu-lo!
Os dinosaurios como Nagore s’han d’alzar en l’almario, u amostar-los en os museus… Pero estoy d’acuerdo en tot con tú: ya n’hemos teniu prou. Agora cal que denguno no encomience -de nuevo- con ixas actitutz sectarias: hablando se entiende la gente.
D’acuerdo de tot con l’articlo, y tamién con o comentario de Tomás. Cal superar o modelo de Nagore y o Consello (de feito, cuento que ya ye superau). Manimenos, no cal trencar de raso con tot o feito, cal reconoixer a fayena de totz os que que han feito posible que hue l’aragonés siga reconoixiu internacionalment, que, sin más meyos que a buena voluntat, han prencipiau un proceso de dignificación y codificación d’a luenga. Cal superar as errors y ixos modelos aluenyatos d’a realidat, pero no se puede sustituir por atras actitutz sectarias, mesianicas, de qui se creye, como F.N., en posesión d’a unica verdat. No caigamos en ixa mesma error!!!
Autoridat?. La unica autoridat de l’aragonés ye, hue, l’Academia de l’Aragonés que i hai ye la salida d’o II Congreso por l’aragonés. L’Academia ye la unica entidat de referenzia lingüistica ta l’aragonés.
Per iste motivo no ye un articlo muit coderén.
It’s great that people are able to take the loan and that opens completely new chances.