O pasato luns, 25 de noviembre, se publicava en o BOA –en virtut d’o dispuesto per la Lei de Lenguas aprevata o 22 d’aviento de 2009– o nombramiento d’es quince miembros que feran parte d’o Consejo Superior de las Lenguas de Aragón (CSLA), “designados entre filólogos, juristas, sociólogos, destacadas personalidades de las letras, la enseñanza o la investigación lingüística o de los ámbitos social o cultural de la Comunidad Aragonesa”.
Como s’indicava en ista Lei “dichos miembros serán nombrados por el Presidente de Aragón a propuesta de las Cortes de Aragón, del Gobierno de Aragón y de la Universidad de Zaragoza, correspondiendo a cada una de estas instituciones efectuar la propuesta de cinco miembros”.
Á la fin no ha habito sospresas y se son confirmatos quasi toz os nombres que venivan salindo en prensa en os zaguers meses.
Per as Cortes d’Aragon: Enrique Badía, filologo e alcalde de Fonz (Ribagorça), José Ignacio López Susín, avogau, Marta Marín, estudiosa de lo cheso, Alberto Moragresa, alcalde de Beceit e Chusé Raúl Usón, escritor e editor.
Pel Guvierno d’Aragon: Manuel Castán, filologo e president d’o Estudio de Filología d’Aragon, José Bada, impulsor d’o catalan como consellero de cultura d’o Guvierno aragonés en os anyos uitanta, Carrme Alcover, estudiosa de lo catalan e tecnico asesora d’o Guvierno d’Aragon en materia de luengas, Fernando Sánchez (de l’asociacion cultural Nogará) e Ignacio Micolau, archivero-bibliotecario d’o Concello d’Alcanyiz.
Per la Universidat de Zaragoça: Javier Giralt, Francho Nagore, M.ª Antonia Martín Zorraquino, os tres d’o departamento d’Hispanicas, Luisa M.ª Frutos (d’o Geografia) y Francisco Beltrán (catedratico d’Historia Antigua).
Se trata d’un CSLA bien heterogénio, con posturas bien enfrontinadas e que dexigirá per parte de toz una buena dosis de centura pa arribar á consenso. Somos d’a opinión de que sobrava iste ente e de que o Guvierno heva d’haver nombrato directament es miembros d’as dos Academias.
A més, quántas d’estas personas son patrimonials u parlan un bueno modelo de luenga? Per atro costato, qué percentage ne b’ha de filologos?
Manimenos pareix que un nuevo proceso s’ubre devant de toz nusatros (si as mayorias politicas d’as proximas eleccions no lo malmeten), pero con dudas arrienda en a capeça. Quán s’ajuntaran? Con qué reglamento funcionaran? B’habrá dotacion presupuestaria pa que puedan treballar? Seran capables d’arribar á consensos u bel un continará encerrinato en posicionamientos maximalistas?
Sisquiera fayan un esfuerço per aconseguir-lo. Como ya avançava fa meses, ye un trenet que empieza a caminar e que cal aprofitar. E muita a fayena que cal fer.
Us ha agradat aquest article? Compartiu-lo!