Països Occitans

ENDAVANT ! ANEM ! ÒC ! – 2009
Letra d’informacion per preparar la granda manifestacion per la lenga occitana a Carcassona, lo dissabte 24 d’octòbre de 2009.
Redigida per la Coordinacion Ensemble per l’Òc, recampament de las associacions culturalas audencas.

Per ne saber mai sus la manifestacion del 24 d’octòbre : www.anemoc.org
Coordination ANEM ÒC ! Institut d’Estudis Occitans, Felibrige, Calandreta, Òc-BiFederacion deis Ensenhaires de Lenga e Cultura d’Òc
ANEM ÒC-IEO – 43, la Trivala – 11000 CARCASSONA
 Contacte corrier : IEO-ANEM ÒC : BP 105  11022-Carcassona Cedex
manifestar2009@orange.fr <mailto:manifestar2009@orange.fr>    /   comitat.anem-oc@club-internet.fr <mailto:comitat.anem-oc@club-internet.fr>
 Tel : 06 75 78 58 39  / 04 68 25 45 06 / 04 42 59 43 96
 Contacte premsa : 06 83 01 19 37
 Site : anemoc.org


========================================================
1) LETRA DE LIGASON (ÒC+FR) del 8/09/09
Setembre de 2009
Eriam mai de 20 000 a Carcassona lo 17 de març de 2007 ! Devèm èstre encara mai nombrós a Carcassona lo 24 d’octobre de 2009.
 Una promessa siguèt facha per lo governament qu’una lei sus lei lengas de França seriá discutida en 2009, e vesèm ren venir; d’autra part, d’eleccions se debanaràn a la prima… alora, mai que jamai, nos fau faire saupre que siam determinats a obtenir una politica en favor de la lenga occitana.
Que la lenga nòstra es un ben comun e que son existéncia es l’afaire de totei !
 Nòstre movement es independent dei partits politics.
Se vira devèrs totei lei responsables politics, a cada nivèu de decision. Totei pòdon obrar concretament per la lenga occitana. Totei pòdon participar a metre en plaça lei mesuras que demandam per lo respècte de la lenga d’òc e per son desvolopament.
 Ambé vòstra ajuda e vòstra participacion, aquela manifestacion serà una capitada.
Fasètz córrer l’informacion; organizatz lo desplaçament per 24 d’octobre de 2009 dempuèi vòstre vilatge, vòstra vila, vòstra region.
 Toteis ensems, de totei lei regions occitanas vendrem dire :
« Anem ! Òc ! Per la lenga occitana ! »
 Lo collectiu d’organizacion de la manifestacion :
I.E.O., Felibrige , F.E.L.C.O., Calandreta, OC-BI.
 
 Aicí quauqueis informacions e idèias:
 * PER FAIRE CONEISSER LA MANIFESTACION
Trobaretz en 2), una letra ais elegits que vos demandam de mandar a vòstrei conselhiers regionaus e ai Cònses de vòstre relarg.
Es encara mielhs se lei podètz rescontrar (conse, conselhier generau, regionau, deputat, senator) e li faire declarar publicament son sosten a la manifestacion…e/ò lei convéncer d’èstre presents lo 24 d’octòbre, a Carcassona.
 Es important d’aver lo mai de sostens divèrses possibles.
Es tanben un biais d’informar lo monde.
La Coordinacion organizarà dins lo temps que sobra de conferéncias de premsa…. Ne’n podètz organizar tanben encò vòstre.
 Podètz comandar d’afichas a prètz de còst (0,10 € l’unitat) e de desplegants (30 € lei 500) au Coordinator.
Podètz organizar d’eveniments per far conéisser la manifestacion o participar an aquelei que son prevists.
 
* PER PREPARAR LA MANIFESTACION

IMPORTANT :
? Per lei autocarris:
Per faire mai aisada la circulacion e lo parcatge dins Carcassona, tre que possible, cada organizator deu balhar leis entresenhas çai-sota au Coordinator: manifestar2009@orange.fr
 Associacion:
Luec de partença:
Nom dau responsable:
Telefòne:
Nombre de viatjaires:

? Per leis estands que seràn a dispausicion deis associacions sus lo luec de recampament de la manifestacion:
Leis emplaçaments son d’arrendar 20€/m per leis associacions e 30€ per lei professionaus
Fau assabentar lo Coordinator imperativament avans lo 28 de setembre de vòstrei reservacions.
 
 * PER SOSTENIR L’ORGANIZACION
Podètz reculhir de dons (bulletin sus l’esquina dau desplegant de la manif e tanben sus lo site : www.anemoc.org ).
 Trobaretz documents e informacions sus lo site www.anemoc.org
 
* Per tota informacion:
Joan-Claudi Fernandez – Coordinator : / 06 75 78 58 39 / 04 68 25 45 06 / 04 42 59 43 96 / manifestar2009@orange.fr  /  comitat.anem-oc@club-internet.fr
 
Anem! bona mobilizacion !