Llengues vives

24 de febrer de 2013
maría cueto-iván cuevas (AST)
0 comentaris

Otra vez a vueltes cola llei

El añu 2012 ciarrábase con una importante polémica abierta por cuenta del proxectu la Llei Orgánica pa la Meyora Educativa (LOMCE), conocida popularmente como Llei Wert,  que no que toca al asturllionés, xeneró un debate intensu porque, amás d’imposibilitar la meyora de la situación de la llingua na enseñanza en zones falantes de Llión o Zamora, dexa abierta la puerta pa empeorar la yá de por sí precaria situación del asturllionés nel sistema educativu asturianu.

Si’l cursu escolar 2012/2013 s’abría n’Asturies cola denuncia de la vulneración de la lexislación llingüística en materia educativa en dalgunos centros del país, yá avanzáu el cursu la LOMCE diba dexando abierta la puerta pa la desparición del asturllionés del enseñu, una vez que namás contemplaba la inclusión de les llingües cooficiales nos curricula educativos, como se denunció dende diferentes ámbitos (l’asociacionismo, el sindicalismo o les instituciones, incluso dende la propia Conseyería d’Educación, Cultura y Deporte d’Asturies). De facto, tal como taba planteada la llei nun primer momento, dexaba fuera del sistema educativu l’asturllionés, incluso anque la lexislación en materia llingüística n’Asturies garantizara nel pasáu, en cierta midida, la presencia del asturiano en sistema educativu.

Siendo’l retrocesu evidente en casu d’Asturies, una vez que l’asturiano tenía una presencia continua na educación reglada dende va décades, nun se fixo esperar la convocatoria d’acciones de protesta.

Posteriormente, la negociación ente l’administración autonómica y la estatal, llevó a considerar la introducción del asturllionés na Llei Wert, como asignatura a ofrecer de manera obligatoria na Educación Primaria y Secundaria, pero en competencia con otres materies como’l francés. Esto, sin duda, va a reducir la yá ruina presencia del asturllionés nel sistema educativu asturianu, dao qu’hasta agora solo se producía esa situación nel enseñu secundariu, precisamente onde se constataba una caída brutal de la matriculación n’asturllionés. Asta’l mesmu alumnao s’implicó na reivindicación de la inclusión del asturiano con dignidá na escuela, a través de cartes que los docentes fixenon llegar a la institución encargada de negociar col ministeriu la presencia d’esti idioma na enseñanza reglada.


La primer lección que podemos sacar d’esta situación ye, una vegada más, que l’estatus d’oficialidá, que repetidamente impiden los distintos gobiernos autonómicos pal asturllionés, si bien nun soluciona los procesos de substitución llingüística que se tán produciendo nel marcu estatal, sí evita tener que chocar, de contino, coles consecuencies llegales de ser una llingua de segunda categoría. La segunda, que, contra l’ostracismo nel que se mueve davezu la reivindicación llingüistica, ésta ye una ocasión pa sumar la voz del asturllionés a les múltiples voces que se llevantaron en contra d’esta llei. Esta complicidá, que n’Asturies ye una estratexia importante, pal llionés podía ser una completa victoria, al significar la so introducción, pali que pali, ente les demandes xenerales de la sociedá de Llión y Zamora.

Deixa un comentari

L'adreça electrònica no es publicarà. Els camps necessaris estan marcats amb *

Aquest lloc està protegit per reCAPTCHA i s’apliquen la política de privadesa i les condicions del servei de Google.

Us ha agradat aquest article? Compartiu-lo!