Josep Arasa i Ferrer

RECAMPAMENT A VILANÒVA DE MAGALONA

L’Institut d’Estudis Occitans, seccion regionala de Lengadòc e seccion departamentala d’Erau, apèlan a s’acampar a Vilanòva de Magalona lo dimenge 12 de decembre, a 11 oras del matin.
S’agís de portar sosten e ajuda a la comuna de Vilanòva qu’òm vòl fòrçar d’enlevar los panèls amb lo nom de la vila en occitan. S’agís d’aplicar la Constitucion de la Republica qu’estipula que las lengas regionalas de França son part del patrimòni nacional. S’agís de butar al vòte d’una lei que balhe enfin a aquestas lengas un estatut clar pr’amor de s’escapar de las contradiccions que reinan a l’ora d’ara dins la legislacion francesa. Aquesta lei demandada per las associacions culturalas, es per ara
prepausada per d’unes parlementaris, mas totjorn rebutada pel govèrn.
Lo drech de practicar las lengas regionalas o minoritarias es reconegut per la comunitat internacionala, tan per las instàncias europèas coma per l’ONU. La diversitat culturala e lingüistica es mai que mai necita a l’ora de la mondializacion que menaça lo mond d’una uniformizacion estofarèla.

Venètz nombroses a Vilanòva de Magalona,
dimenge 12 de decembre a 11 oras, davant la Comuna