Si fa u no fa, quasi totas, per no decir totas, as parlas minorizatas d’o mundo tienen u han teniu en bel momento un problema d’autoridat moral e cientifica. Estoi que ye inevitable dau, precisament, ixe caracter de ‘parla minorizata’, á la que han dau a espalda la ciéncia e os poders publicos. E l’aragonés no se’n escapa. Per muito que Nagore s’encerrine, ni él ni o Consello son l’autoridat de referéncia, l’autoridat cientifica de l’aragonés. Talment, fa ya muitos anyos, dica meyaus d’os uitanta, lo fuen –encá que només que pa bellas presonas u colectivos– pero a própia dinamica d’o suyo president, que montó ixa asociacion ta dar rienda suelta á las suyas elucubracions lingüistico-nacionalistas malmetió qualquier posibilidat d’arribar á convertir-se-ne.
Como filologo Nagore tiene una formación ben normaleta, radideta –ya se sape que qui muito abraca, poco preta–, y como capeça visible de l’aragonés cal decir que no ha sabiu u no ha quiesto canalizar es deseyos de buena parti d’o colectivo que diz representar.
A la fin, Nagore e o Consello se son quedatos solos (d’es miembros historicos només hi queda que Jesús Vázquez), defendendo un constructo lingüistico, un desideratum, que se basa, ‘s’alaceta’ (que dirian els), en una visión pro aluenyanta d’a realidat e en una ortografía que si bien fació lo suyo papel per un tiempo, ara per ara ye obsoleta de tot.
E contina con a suya retolica, terne que terne, con os suyos percentages, con as suyas estadisticas, con o suyo discurso caduco e acientífico, difuera d’o mundo real, creyendo-se en posesion d’a verdat, d’a unica verdat, como un iluminau, con un esprito que raya, asinas lo veigo á ormino, lo mesianismo.
Nagore ya no va á cambiar. Seria traicionar a suya propia existéncia, a suya religion. Ye una pena, perque o zaguer tren que suposa pa l’aragonés a Lei de lenguas –un tren rebunyoso de via estreita, un canfranquero, imos–, va á partir. Muitos queremos puyar-nos-hie, pero él ya no va á estar o fogonero. Per suerte os suyos planteyamientos son ya en minoria.
Autoridat?. La unica autoridat de l'aragonés ye, hue, l'Academia de l'Aragonés que i hai ye la salida d'o II Congreso por l'aragonés. L'Academia ye la unica entidat de referenzia lingüistica ta l'aragonés.
Per iste motivo no ye un articlo muit coderén.
Ixa academia oficial, si bell diya arriba a materializar-se, s'articulará arredol de Nagore-Consello-Chunta (cosas d'os votos) u se tornará en un campo de trincheras que no convencerá a dengún. O que nos queda, ta ara y ta os proximos anyos, ye achudar a l'ACAR a meter orden, colaborar con ixa chent que s'eslichió en concreso y aportar puntos de vista. Han demostrau que no son sectarios ni s'encastillan, que no amagan o que fan y que escuitan o que lis decimos.
A creyación de l'academia oficial, quan siga, provocará un nuevo debat que caldrá reprener. Ara tenemos o que tenemos y o que pertoca ye cooperar entre nusaltros.