Occitània se tròbe aué en un moment principau dera sua istòria. Tre es ans 70 eth tèrme occitan jamès non auie estat en boca de tanta gent. Ua part considerabla dera poblacion, sustot deth jovent, que pren consciéncia deth besonh de deféner era tèrra e era lengua; ua lengua que comence a desliurar-se deth pes pejoratiu creat per aparelh d'estat francés dempús de hè sègles.
Per contra, era nòsta cultura que passe per un moment fòrça delicat en tot trobar-se er un vertadèr perilh d'extincion. Era existéncia politica coma occitanes e occitans ei quasi nulla, peth hèt d'auer existit massa temps coma pòble mancat de consciéncia.
Es estats frances, espanhòu e italian, en tot sajar d'eradicar eth hèt occitan, atau coma totes es autes cultures que se tròben jos era sua administracion, arresponen a ua logica capitalista d'explotacion e domeni: er imperialisme. En Occitània se patís, dempús de hè sègles, totes es formes de conquista: militara, politica, economica, sociau, culturau e artistica.
Atau, era militància revolucionària occitana a arribat ara conclusion qu'era estructura politica existenta amiada a tèrme non ei encara sufisenta, en tot trobar-se ena fin d'un cicle, e en començament d'un aute. De cara ad aguesta situacion, Anaram Au Patac, amassat era assemblada nacionau eth mes de junh passat qu'acordèc definitiuament era refondacion deth movement occitan.
Libertat! que bastís un projècte sus era basa dera unitat populara sense cap sòrta de dògma ne modèl de concèpte, en tot lutar contra totes es formes de domeni e d'explotacion e tanben en tot opausar-se a tota sòrta de discriminacion.
Víuer e decidir en país. Trabalhar per un país digne, a on era nòsta lengua e era nòsta cultura contibuïsquen a enriquir era diversitat. Basar era luta sus es reivindicacions d’autodeterminacion entà tota Occitània, atau coma era volontat d’amiar a tèrme ua reflexion prigonda sus eth territòri e era luta pera justícia sociau.
Eth respècte deth dret ara autodeterminacion, un mon sense classes e era solidaritat internacionau; que hèn tanben part des bases deth nau movement occitan Libertat!, que fedère tres estructures occitanes: Anaram Au Patac, Hartèra e Combat d’Òc. Ath torn de totes aqueres reivindicacions, Libertat! que comence aguest projècte.
Ligams:
Web de Libertat
Blòg seccion Lengadòc
Blòg seccion Gasconha Nòrd
Blòg seccion Auvernhe
Blòg seccion Bearn
Blòg seccion Provènça
Blòg seccion Val d'Aran
no trobo la teva adreça i et vull fer arribar algunes còpies del disc reeditat del conjunt amb la vostra traducció. Com ho hem de fer això?
Vinga, gràcies ia reveure.
Vam rebre una còpia del disc reeditat amb la traducció, i de fet ho hem publicat al butlletí de l'Associació, ja te n'enviaré una còpia.
En parlem per conreu electrònic
Salut!
Farri