* La camèla blanca, poèmas de Miquèl Decòr, 32 paginas, 10 € Dins qun país de sòmis nos menarà la camèla blanca ? De Menerbés a Essaouira o Sossa, un pastre de las estelas la seguís. Dins las mans, per retnas, una cordelada de mots en vèrses e poësia ... Una pesada sul camin, Un gas de lach per las estelas, Un fuòc que mina dins las brandas, Lo bram de gaug De la camèla blanca… Pas esperar lo vent Que bute las montanhas ; Un gran de sabla sol Pòt enraiar la marcha. Tirar cap a l’asuèlh Lo solelh dins los uèlhs E romegar los sòmis D’un país sens parièr.
IEO-Vendémias publie un nouveau recueil novèl de poèmes de Miquèl Decòr : La camèla blanca. Les soixante-et-dix poèmes tirés d’un cahier tenu entre 2007 et 2010 renvoient aux thématiques qui constituent des constantes de l’œuvre de l’auteur : la nature, l’amour, les guerres, la langue.. Les textes évoquent les Espagnes, le Maroc, la Tunisie,…. et, évidemment, le Minervois (" Jos la luna palla de Menèrba, dire son si " comme proclamait Leon Còrdas) Ainsi, en signant ses écrits des deux rives de la Méditerranée, le poète tisse les fils d’un possible et espéré retour aux temps d’Al-Andaluz quand l‘écoute des autres se transforme en enrechissement pour chacun et non en source de confrontations stériles et de replis. Et la chamelle blanche ? L’auteur la croise et elle devient pour lui un animal imaginaire capable de transmuter nos rêves en réalités concrètes, par l’entremise d’une ribambelle de mots et de vers : " Los passes se’n van dins lo temps / L’aiga corrís dessús la sabla ". Alors, nous devons " Tirar cap a l’asuèlh / Lo solelh dins los uèlhs / E romegar los sòmis / D’un país sens parièr. " Un simple regard, une scène de la vie quotidienne sont des sources d’inspiration pour le poète que rien ne peut empêcher de " semenar contra lo vent " et de " Faire nàisser lo jorn / Dins un esquiç de nuèit. " pour trouver sur les lèvres de l’aimée " coma un gost de mentastre ". Nous finirons –bien par chasser les loups des nuits noires : " Un lop a rosegat la luna / E s’es copat las dents / Sul talhon que lusís / Dins la seuna boca. / Alara, las anhèlas / Rison quand l’ausisson bramar. "
32 p ; couverture de Jo Lynch ; édité per IEO-Vendémias ISBN : 978-2-85910-503-7 ; 10 € (franco) (IEO-Aude BP 105 11022-Carcassonne Cedex) ieo11@ieo-oc.org
======================= PAS DE PEIS D'ABRIL PER L'OCCITAN : UN ESTATUT, UNA LEI !
* CONCORS DE SOPAS A SOPÈRS, dissabte 5 de mai, 16h45 occitaniepasserelle@gmail.com *
PROGRAMA RESCÒNTRES OCCITANS EN PROVENÇA 2012 Veire pèça joncha ! Lei RESCÒNTRES OCCITANS EN PROVENÇA 2012 se debanaràn dau 31 de julhet au 2 d’avost e/ò dau 3 (14h) au 6 d’avost de 2012 (14h), au Centre de Vacanças « Le Rocher », Le Fugeret, comuna d’Annot (04), dins lei Aups de Provença Auta.
Lo monde se l’i pòdon marcar sigue per la setmana completa sigue per lo promier sejorn (dimars 31 / dimècres 1 / dijòus 2) ò encara per lo segond (divendres 3 (14h) / dissabte 4 / dimenge 5 / diluns 6 (14h).
ATENCION ! AVISATZ-VOS ! MÈFI !
Trobaretz lo desplegant per vos marcar, aquí en pèça joncha. Aquelei que reçaupon aqueste mail reçaupràn pas lo desplegant papier !
1) Papieròt menerbés 2) Dins la premsa occitana ==================================== 1) PAPIERÒT MENERBÉS (in La Semaine du Minervois, 19/04/12) LO DOBTE LINGUISTIC Lo pichon Nicolau S. de la Calandreta de Barjorinhac n’a pres un còp sus l’ala aprèp la manifestacion del 31 de març passat a Tolosa. Se cresiá que lo monde anavan daissar tombar atal la lenga nòstra s’enganava del tot al tot e n’agèt una brava demostracion se s’amaguèt pas lo cap jos l’ala en marmusant sa parladissa de Marselha ont diguèt qu’aquò relevava de l’anti-França e del comunautarisme maldit. Mas dins los dètz de la classa seuna, a qual se poiriá faire fisança ? Son concurrent, per èsser cap de fila, lo Francés a tornat trapar las promessas vièlhas del papeta Franceson de l’an pebre-1981 e benlèu qu’aqueste còp vendràn realitat. Bon, se pòt pas dire que se siague entrainat coma un fòl a la presidéncia del conselh general de Corrèsa per faire avançar l’occitan (a de resèrvas, lo tipe !!!)… L’autre Franceson, lo Bearnés, lo dossièr lo coneis que faguèt avançar las causas del temps qu’èra mèstre de totas las escòlas de França mas son centre sembla plan d’èsser sus la tòca. Lo Merluçon fa lo grand escart entre una part de sos partesans que sostenon las lengas e son discors ideologic de l’Un e de l’Indivisible que vòl pas brica qu’un cap despassèsse, qu’una lenga desvirèsse, qu’una Region age de poders e que compren China fàcia al Tibet. L’Eva a tot comprés (en trasposant lo sosten dels Samis de Norvèja a la situacion en França) e son discors ecologista es en coëréncia amb las demandas dels moviments regionalistas e dels desfenseires de la diversitat culturala : ba venguèt dire a Tolosa lo dissabte, mas alisèt dins un escalièr parisenc lo dimenge. Camaradas, la Natalia de la Luta Obrièra se bat per la classa obrièra e trapa plan que i agèsse una lenga comuna per totes los proletaris (e s’es l’anglés de l’imperialisme, fa pas res : aquò’s de dialectica). E anem pas trocejar lo front de classa amb nòstres parlars ! Lo Poton, probable que se n’amerita un amb lo nom que pòrta e sos militants distribuissián papafards bilengas (precisi : francés-occitan) per carrièras de Tolosa. Lo Cheminade fauta d’anar sus Març auriá pogut demorar dins sa caminada. E dels nacionalistas franceses, lo Delpont e la Marina, val mai ne dire res, nos’n portarem que melhor. Sètz pro grands e pro intelligents per saupre lo bulletin d’embarrar dins la boita. Dins vòstra reflexion, podètz prendre en compte la posicion dels candidats e de candidats rapòrt a las lengas e a l’occitan. Es pas brica una question segondària, mas un problèma bèl de societat : la capacitat de viure ensemble, d’escotar los autres, de permetre l’expression de se e de totes, de desvolopar la diversitat linguistica e la pluralitat culturala dins l’escota dels autres. Un pauc de Paratge de Convivéncia sul bulletin, aquò fariá pas de mal ! A vos de jogar : anem òc per un vòte occitan al primièr coma al segond torn ! Lengafin Roch ================================================= 2) DINS LA PREMSA OCCITANA Articles, entrevistas, punts de vista de consultar sus : www.lasetmana.fr www.jornalet.com
======================================================== Suplement al " Jornalièr Audenc " (iniciativa de l'Institut d'Estudis Occitans-Aude). Mandat al rasal de difusion de l'associacion. Se lo volètz pas mai reçaupre, nos avisar. Mas podètz tanben informar vòstres amics e amigas d'aquela existéncia e los faire ajustar a la lista de difusion. Mercé. ======================= PAS DE PEIS D'ABRIL PER L'OCCITAN : UN ESTATUT, UNA LEI !
* ESCRITURA DE 2012 : - dimècres 25/04 a Montoliu : Conte de la Gata Blanca (15h, Bibliotèca), Camins dubèrts (Musèu, 18h30) ; - dijòus 26/04 a Carcassona (Mots&Cie, 18h) La camèla blanca, per Miquèl Decòr ; - divendres 27/04, a Carcassona (Ostal Sirventés, 18h30) : L’òme que plantava d’arbres (J. Gionò) e rescontre amb Jòrdi Blanc *
